عنوانى،عنوان طبيعى جدااا للواحد بيشوفة الايام دى.
انا جوايا شحنه غضب عمرى ماحستها قبل كدا،
محتاجة اطلع فى مظاهرة واصرخ واصوت واقول حد يسمعنى،
حد يحس بيا ومحدش يقولى اسكتى متصرخيش،
جوايا طاقة محتاجة اطلعها ،اللى جوايا ده نتيجة من اللى حصل يوم الاربع،
اقسم بعزة جلال الله عمرى مافكرت ان هيجى عليا اليوم اللى هبكى علشان حد معرفهوش،
بس انا بكيت لما حسيت ان فى حد ممكن انه يتأذى،
انا مكنش ليا حد فى السودان بس مع كل مكالمه من حد فى التليفزيون وهو بيصرخ وبيقول:الحقوانا دول مسكين سكاكين،حسيت والله ان اخويا او اختى او حد من قريبى،انا مش من النوع اللى هو ده ابن بلدى فاهو اخويا،لا
اخويا هو ابن ابويا وامى،بس الاحساس اللى حسيته ووجع قلبى اللى حسيته كأنه على حد من اهلى.
حاسه ان عايزة العب بوكس اطلع فيه الغل اللى جوايا،اه انا جوايا غل وضيق كده وغيظ.
انا مخرجتش من يوم الاربع،مش طايقه انزل غير بقى كل ده اللى انا بشوفه فى القنوات،دى حاجة كل يوم بتفورلى
دمى وكل لما اقول مش هتفرج الاقى نفسى بتفرج.
حد بقى يقولى اعمل ايه انا وازاى اطلع طاقة الغضب والحزن دى منى احسن هتسمعوا ان فى بنت فى اسكندرية طلعت مظاهرة وهى الوحيدة اللى مشيت فيها.
13 التعليقات:
بوست يجنن بجد وانا فعلا جاالى نفس الاحساس بس لما هديت وفكرت لقيت انى هستخدم كل اللى اعرفه عشان اظهر احنا مين ومينفعش اللى حصل معانا دا فيس بوك وميل وكل حاجه هقدم بيها جديد بجد ويا رب اككون انا اول كومنت ومن قلبى بجد بتمنلك تكتبى بوستس اقوى واحلى يا رب دايما وبتمنلك كلخير وسعاده وصحه وتوفيق وفرحوابتسامه تدوم يا رب طول العمر
ويا رب تبقى تنورينى
هيييييييييييييه دانا فعلا اول كومنت ايه الحلاوه بتاعت الواد عموره دا سيبك انتى بردو احساس مختلف لما تلقى نفسك لوحدك فى الروم بتاعت الكومنتس يعنى باشا كدا بس اكيد فى ناس تانيه هتيجى بعديه تقول رايها وناس احسن منى واجمل وبجد طيبين يمكن مش اعرفهم كلهم بس بحس دا فيهم وفى كلامهم ومن قلبى بتمنلهم كلخم كل خير وسعاده وصحه وتوفيق وفرح وابتسامه تدوم يا رب طول العمر
انت عايزه تصرخي ...
وأنا يا عيني بهوهو..
وamirelhob بينونو ..
يالا نعزف ع الجيتار سوي
بلا هوهوه بلا نونوه
لو عندك اخ صغير اضربيه ضرب مبرح
و انزلى الشارع
صوتى على اللى انتى عملتيه فيه
نفس الشعور والله لكنى لااملك اخ صغير لكى اضربه
-------------------
واحد مخه لاسع شويه
اولا
انا بحييكى على فكره البوست
ثانيا
انا هتكلم بكل صراحه ... انا حد بيحب البلد دى اوووى ويصعب عليا اووى اللى حصل انا فى لحظه عصبيه كتبت بوست انا ندمانه عليه جدااا جدااا كتبت بوست شتمت فيه الشعب الجزائرى ؟؟
انا مش ندمانه على انى شتمتهم انا ندمانه لانى اتصرفت بهمجيه زيهم وده مش طبعى ولا طبع اغلبيه المصريين .. المصريين ناس متحضره حتى لما ييجوا يخدوا حقهم بيخدوه بتحضر والدليل على كده حرب اكتوبر حاربنا ومنعا لاراقه الدماء عملنا معاهده كامب ديفيد ... بمعنى اصح ان اول خطوه لازم نعملها احنا وكل اللى شغالين على النت ممكن تكون جروب للانتماء نعرف فيها للعالم وللمصريين مصر وقيمه مصر ..
نناقش التاريخ بطريقه صح بدل المغالطات التاريخيه اللى جريده الشروق الجزائريه عماله تنشرها ...
ثالثا
اسفه انى طولت عليكى
رابعا
بالتوفيق ليكى ولينا .. سلام
مش هنقول غير حسبى الله ونعمه الوكيل
خلينا احنا الاحسن وربنا مووجووووود عليهم
نورتى مدونتى همس الاحساس ياقمر
السلام عليكم
الصرخه فى بعض الاحيان بتجيب نتيجه
لاكن مع العالم دول عاوزين عنف
ميعرفوش غيرو
احسن حاجه تتطلعى فيها غيزك انك تنزيلى وتقفى ادام البحر
عندك من كوبرى ستانلى لاغايه القلعه
وشكيلو همك وصرخى زى مانتى عايزة
ومتخفيش مش هتكونى لوحدك وراكى اسكندرية كلها
تحياتى ليكى
رئيس الجمهورية
عارفة انا بجد عشت حالة نفسية عمرى ما عششتها فى حياتى احساس الظلم مع اهدرا الكرمة عملوا كوكتيل نفسى حلو اوى معرفش ولا واحد كان فى السودان بس حاسس بكل واحد فيهم بالأطفال بالمثقفين بفعلا الناس اللى رايحة تقضى وقت ممتع فى ماتش كورة زى اللى شايل لبن صافى ونقى وفجأة ييجى عليه اى حاجة تغير لونه وتعكره من ارهاب وتعامل غير ادمى بس خدى نصيحة منى اعملى زيى وحاولى تخرجى وتغيرى المواضيع اللى بتتكلمى فيها عارف انه صعب جدا بس هتيجى والله وحطى فى بالك ان اللى حصل دا دفعة لينا اننا نعمل كل فى ايدينا عان نخلى البلد دى احسن واحسن خلى الطاقة تدفعك للنجاح مش تنيمك فى البيت
حبيبة قلبى انا جيت اسلم عليكى
يارب تكونى بخير
والله الحياه من غيركم ملهاش طعلم بس اهه
ربنا ييسر كل امر عسير
واكيد راجعه تانى
دموع القمر
الىحصل دة بكل المقاييس اهانة لشعب مص الى هو احنا الشعب الى وقف جمب الجزائر الى فتح دراعته ليهم من عمر لناصر لعمر مبارك لازم نقول كلمة ان كرامتنا فوق كل شيىء لا عروبة مع اى حد مش هيحترمنا و زي ما قال علاء بن الريس الى هيقول كلمة على مص ياخد فوق داماغة
مع اني ماليش في الكورة قوي..لكني اكره التعصب والهمجية والعنف
واللي حصل في السودان ما هو الا وجه من اوجه العنف والكراهية والهمجية داخل المجتمع الجزائري.
محتاج اتكلم معاكي
يمكن معرفكيش قبل كدة بس كلامك أثر فيا وانا شاعر ليا جروب وصفحة عل فيس بوك
يمكمن افكارنا تتلاقا ونقدر نعمل حاجة سوا
دة ايميلي
mizocool_25@yahoo.com
محتاج اتكلم معاكي
يمكن معرفكيش قبل كدة بس كلامك أثر فيا وانا شاعر ليا جروب وصفحة عل فيس بوك
يمكمن افكارنا تتلاقا ونقدر نعمل حاجة سوا
دة ايميلي
mizocool_25@yahoo.com
إرسال تعليق