silent girl

انا هكتب كل اللى نفسى فيه ومش عليا رقابة


زى ماوعدتكم ان انا هعمل بوست وان شاء الله يعجبكم انا عملت حوار مع رئيس جمهورية شومبونجو العربية وان شاء الله يعجبكم.

اولا سيدى الرئيس مش عارفة اوصفلك فرحتى ان انا بعمل معاك لقاء صحفى واستحملنى لو كانت اسالتى ممكن تضايقك؟؟؟
اولا اهلا بيكى وبكل الساده القراء ثانيا انا قبل ما اكون رئيس انا واحد من الشعب ده ولا ايه... اتفضلى ::

1-ايه اللى خلاك تسمى مدونتك بالاسم ده ؟
الحقيقه الاسم دة جه صدفه ياعنى من واقع الخيال انا قولت ادخل عالم التدوين دة بأسم ميكونش خطر على بال اى حد ويكون سلس ظريف والناس بتحب الاسامى الجديده الغريبه زى شومبونجو مع انى شفت تريقا عليه كتير زى مثلا واحد يقول دى جمهوريه تبع شركه موبينيل بتاعة القرد اللى بيتكلم واحد يفسرها على مزاجو يوقوا شمو بنجو وغيرو كتير بس هنا فى شو مبونجو فى ديمقراطيه الراى وحريه التعبير.

2-على اى اساس بتنزل البوست؟
اكدب عليكى لو قولت انى موهوب او بعرف اكتب او انى كاتب قصص او شاعراو غيرو بس بكتب اللى انا بحبه وحاسس ان ممكن الناس تتقبله بشكل او باخر.

الصراحة قليل لان بقا العدد كتير وكل مدونه ليها فكر جديد ومذاق خاص وليها اسلوبها فى الكتابه وفى التعبير عن موضوعتها بس فى مدونات بتعلق معاكى وما تقدريش تفوتى منها حاجه بس بتابع كل جديد منهم بس قليل لما اعلق عندهم.

4-لو حبيت تغير وزارة من وزارات الحكومه هتغير اى وزارة وتجيب مكانها وزارة ايه؟ ياعنى تلغى مين الاول؟
وزارة التربيه والتعليم انا هلغى التعليم وها نشاء وزارة جديده اسمها التربيه اولا لان احنا معندناش تربيه يبقى هنتعلم ازاى من غيرها.

5-عمرك حسيت انك محبط؟
فى شومبونجو مافيش احباط من اى نوع الحياه فله شمعه منورة.

6-اكتر حد ممكن تكلمه وانت مضايق؟
وانا مضايق معرفش اكلم حد بس بعد كدا ممكن اتكلم مع اصحابى.

7-عادة فيك لازم تتغير؟
انى معرفش اعبر للقدامى على اللى جوايا.

8-نفسك تقابل رئيس جمهوريتنا؟وهتقوله ايه؟
اكيد ليه لا ااقوله زى مقال الشيخ القدير محمد متولى الشعراوى رحمه الله عليه قال (يا سياده الرئيس اخر ما احب ان اقوله لك ولعل هذا اخر لقائى بك اذا كنت قدرنا فاليوفقك الله و اذا كنا قدرك فليعينك الله على ان تتحمل).

9-تحب تعمل مع مين بوست من المدونين؟
مع اللى يحب يعمل معايا انا معنديش اى مانع المهم يكون هو راضى ومتقبل اللى بيعملو لان فى ناس هتشوف دة.

10-ايه اللى تتمناه يتحقق فى 2010 متحققش فى 2009؟
الحقيقه انا اكتشفت اننا بنحب البلد دى قوى وعيزنها تبقى احسن دول العالم لان هى دى اللى اكلنا من خيرها وتربينا فيها واهلك وناسك فيها
ويبقى فى سلام وود بين الدول العربيه ونقف ايد واحده مع بعض ضد اللى بيكرهونا وان مش اللى يجمعنا هو حب الكورة لا حاجات تانيه كتير ولازم نستغل كل دة فى حاجه تفيد العالم العربى لان كل دة لينا فى الاول والاخر.

سيدى الرئيس مش عارفة اشكرك ازاى انك عطتنى وقت علشان اقولك كل اسألتى واتمنى ليك دوام الصحة وان شاء الله اشوفك فى الانتخابات الجاية.







اولا وحشتونى جدااااا جداااااااااا طبعا غبت عنكم كتير بس امتحانات بقى وكدا،المهم انا قولت ارجع لما يكون فى مناسبة حلوة وطبعا مفيش احلى من مناسبة بكرة.

مناسبة بكرة اللى هى عيد الحب Happy Valentines Day كل سنه وكلنا بنحب بعض،كل سنة واللى مبيحبش يحب،واللى بيحب يخطب،واللى خاطب يتجوز،والمتجوز يتهنى ويجيب بيبى،واللى عند بيبى ربنا يباركلة فيه.

نسيت اقولكم مبروووووووووك للمنتخب وان شاء الله من تقدم لتقدم،استنونى فى البوست اللى جاى هيكون اجمد بوست هعمله فى عمرى كلة بجد كلكم هتحبوة جدااااااا .اشوفكم على خير.





يالى فرقت الدنيا كان بدرى الوداع
وطلعت فوق بعيد عن الزيف والخداع
وحشنى يا طيب يا ارق من الملاك
فكرك وفاكر قد ايه اتهنيت معاك
وكنت اتمنا يكون عمرى فداك
دلوقتى بحلم بس اعيش لحظه معاك
اه اه اه اها ها
يالى مشيت من غير ماحتى نقول سلام
هفضل على عهدك كأنى معاك تمام
مين الى قال البعد بينسى الحبايب
تعالى شوف حبى وشوف قلبى الى دايب
وحشنى يا طيب يا ارق من الملاك
فكرك وفاكر قد ايه اتهنيت معاك
وكنت اتمنا يكون عمرى فداك
دلوقتى بحلم بس اعيش لحظه معاك
مين بعد منك هيدوينى فى يوم جروحى
مين الى فى حضنه الحنين هنسى روحى
مع السلامه يا حبيب قلبى وسلام
ياريت تزرنى كل ليله فى المنام
وحشنى يا طيب يا ارق من الملاك
فكرك وفاكر قد ايه اتهنيت معاك
وكنت اتمنى يكون عمرى معاك
دلوقتى بحلم بس اعيش لحظه معاك
يعنى بحلم بس اعيش لحظه معاك.


مات ليا شخص غالى جدااا على قلبى كان سرى كان حضنى اللى ببكى فيه كان حامل عليا هموم الدنيا كان الدفى ليا كان كل شىء حلو فى حياتى كان بيجى عليا وقت واحس انه عايش علشان يشيل عنى وجعى حبيته زى ابويا وامى ماهو خالى والخال والد

مهما بكيت عمر دموعى ماهتكفى فراقك حسيت بناررر بتنزل فى قلبى وانت نازل من البيت حسيت ان قلبى نزل معاك وروحى طلعت وانت نازل مبقتش مصدقه ان انا بشوفك للمرة الاخيرة فى عمرى كله وان مش هاجى بيتك والقيك قاعد على الكرسى اللى تحت الشباك وتقولى وحشتينى يابنت الايه.

مش مصدقة ان مش هاجى كل عيد واقولك هات العيديه وماما تقولى انتى كبرتى على العيديه وهو يقولها مهما كبرت هتفضل صغيرة فى عينى حتى لما تتجوز وتجيب عيال.

كنت بتقولى امتى يجى اليوم واشيل عيالك زى ماشلتك وانتى صغيرة كنت اقولك انا عريسى هيجى يتقدملك انت مش لبابا وانت تتشرط زى ماانت عايز حاولت ان اخفف عن اولادك واقولهم لازم تتمسكوا وانا من جوايا بنهااااااااااار راحت الضحكة الحلوة من بعدك راحت كل حاجة جميلة.

الحاجة الوحيدة اللى مصبرانى هو انك روحت لمكان احسن من اللى احنا فيه عمرى ماهقدر انساك كنت معانا امبارح والنهاردة بنقول عليك المرحوم سبحانك يارب انت اللى قادر على كل شىء ومالناش اختيار غيران نقول صبرنا يارب.

هتفضل فى قلبى مهما طال غيابك واملى اننا نتقابل فى الجنة متخفش اولادك فى عنينا ماهما ولاد اغلى الناس عندنا وهيفضلوا غالين زى غلاوتك بالظبط.

ارتاح ياخالو وان شاء الله فى الجنة ونعيمها هتوحشنى اوووووى بس هتفضل معايا طول ما فيا نفس طالع ونفس داخل.


قد صعب عليّ الفــــــــراق ,, وملء القلب لك اشتيـــــــــاق
والحزن قد لف من حولي رداءه ,, والدمع كالنهر شلال ورقـراق
وفي المنـام اراك طيفـــــــــــــــا ,, فليت اني من منامي لا افـــاق
اقبل راسك ثم اليديـــــــــــــــــن ,, وليس يشبعني حتمـا عنـــــاق
فكيف اسلوك وكنت لــــــــــــي ,, للخير مفتاح للشر مغـــــــــلاق
وكيف اسلوك وكنت لـــــــــــــي ,, درعا رأته المكاره والمشـــاق
وعزائي انك عند رب عـــــــادل ,, وكنت للخير فعّــــــال وسبّـــاق
فادعو ربي ان تجازى جنانـــــه ,, وليدعو مثلي القارئ المشتـاق

استغفر الله العظيم من كل ذنب أذنبتــــــــــه ... استغفر الله العظيم من كل فرض تركـــــتــه

استغفر الله العظيم من كل إنسان ظلـمـتــــه ... استغفر الله العظيم من كل صالح جـفــوتــــه

استغفر الله العظيم من كل ظالم صاحـــبتــه .... استغفر الله العظيم من كل بـــر أجـــــلتـــــه

استغفر الله العظيم من كل ناصح أهنــتـــــه ... استغفر الله العظيم من كل محمود سئـمــتـــه

استغفر الله العظيم من كل زور نطقت بــــه ..... استغفر الله العظيم من كل حق أضــعــتـــــه

استغفر الله العظيم من كل باطل اتبعــتـــــه ... استغفر الله العظيم من كل وقت أهــــدرتــــه

استغفر الله العظيم من كل ضمير قـــتلــــته ... استغفر الله العظيم من كل سر أفشـــيـــــتـــه

استغفر الله العظيم من كل أمين خدعــتـــــه ... استغفر الله العظيم من كل وعد أخلــفـــــتـــه

استغفر الله العظيم من كل عهد خــــــنتــــه ... استغفر الله العظيم من كل امرئ خذلــــــتـــه

استغفر الله العظيم من كل صواب كتمــــته ... استغفر الله العظيم من كل خطأ تفوهــت بـــه



استغفر الله العظيم من كل عرض هتكتــــه ... استغفر الله العظيم من كل ستر فضــــحـــتــه

استغفر الله العظيم من كل لغو سمعــــتــــه ... استغفر الله العظيم من كل حرام نظرت إليـــه

استغفر الله العظيم من كل كلام لهوت بـــه ... استغفر الله العظيم من كل إثــم فـعـــــلتــــــــه

استغفر الله العظيم من كل نصح خالفتـــــه .... استغفر الله العظيم من كل علم نـســيــتـــــــــه

استغفر الله العظيم من كل شك أطعـــــتـــه ... استغفر الله العظيم من كل ظن لازمــــتــــــــه

استغفر الله العظيم من كل ضلال عرفتـــه ... استغفر الله العظيم من كل ديــن أهمــلــتـــــــه

استغفر الله العظيم من كل ذنب تبت لك به ... استغفر الله العظيم من كل ما وعــدتـــك بـــــه ثم عدت فيه من نفسي ولم أوفى به




استغفر الله العظيم من كل عمل أردت به وجهك فخالطني به غيرك

استغفر الله العظيم من كل نعمة أنعمت على بها فاستعنت بها على معصيتك

استغفر الله العظيم من كل ذنب أذنبته في ضياء النهار أو سواد الليل
في ملأ أو خلا أو سراً أو علانية

استغفر الله العظيم من كل مال اكتسبته بغير حق

استغفر الله العظيم من كل علم سُـئـلـت عنه فكتمته

استغفر الله العظيم من كل قول لم أعمل به و خالفته

استغفر الله العظيم من كل فرض خالفته ومن كل بدعه اتبعتها

لا تضيع الفرصة مادمت في الدنيا ،فغيرك تحت الأرض يتمنى لو يرجع ليقرأ حرفاً من القرآن ويكسب حسنة يرجح بها ميزان حسناته
.
.
.
.
.

About Me

صورتي
انا بنت زى اى بنت بحب الحياة والحرية واكرهه الكدب والخيانة وبيقولوا عليا دمى خفيف وبحب اصحابى جدا

الساعه الان


يوم كام يا ترى


اسمع الطرب


اللى شرفونى


===3'ayrt masha3ry w e7SaSy 5altny a3esh gambak w b3eed bat7ml 2Orbak w ba2asy w msheet wayak w reg3t wa7ed====