silent girl

انا هكتب كل اللى نفسى فيه ومش عليا رقابة


زى ماوعدتكم ان انا هعمل بوست وان شاء الله يعجبكم انا عملت حوار مع رئيس جمهورية شومبونجو العربية وان شاء الله يعجبكم.

اولا سيدى الرئيس مش عارفة اوصفلك فرحتى ان انا بعمل معاك لقاء صحفى واستحملنى لو كانت اسالتى ممكن تضايقك؟؟؟
اولا اهلا بيكى وبكل الساده القراء ثانيا انا قبل ما اكون رئيس انا واحد من الشعب ده ولا ايه... اتفضلى ::

1-ايه اللى خلاك تسمى مدونتك بالاسم ده ؟
الحقيقه الاسم دة جه صدفه ياعنى من واقع الخيال انا قولت ادخل عالم التدوين دة بأسم ميكونش خطر على بال اى حد ويكون سلس ظريف والناس بتحب الاسامى الجديده الغريبه زى شومبونجو مع انى شفت تريقا عليه كتير زى مثلا واحد يقول دى جمهوريه تبع شركه موبينيل بتاعة القرد اللى بيتكلم واحد يفسرها على مزاجو يوقوا شمو بنجو وغيرو كتير بس هنا فى شو مبونجو فى ديمقراطيه الراى وحريه التعبير.

2-على اى اساس بتنزل البوست؟
اكدب عليكى لو قولت انى موهوب او بعرف اكتب او انى كاتب قصص او شاعراو غيرو بس بكتب اللى انا بحبه وحاسس ان ممكن الناس تتقبله بشكل او باخر.

الصراحة قليل لان بقا العدد كتير وكل مدونه ليها فكر جديد ومذاق خاص وليها اسلوبها فى الكتابه وفى التعبير عن موضوعتها بس فى مدونات بتعلق معاكى وما تقدريش تفوتى منها حاجه بس بتابع كل جديد منهم بس قليل لما اعلق عندهم.

4-لو حبيت تغير وزارة من وزارات الحكومه هتغير اى وزارة وتجيب مكانها وزارة ايه؟ ياعنى تلغى مين الاول؟
وزارة التربيه والتعليم انا هلغى التعليم وها نشاء وزارة جديده اسمها التربيه اولا لان احنا معندناش تربيه يبقى هنتعلم ازاى من غيرها.

5-عمرك حسيت انك محبط؟
فى شومبونجو مافيش احباط من اى نوع الحياه فله شمعه منورة.

6-اكتر حد ممكن تكلمه وانت مضايق؟
وانا مضايق معرفش اكلم حد بس بعد كدا ممكن اتكلم مع اصحابى.

7-عادة فيك لازم تتغير؟
انى معرفش اعبر للقدامى على اللى جوايا.

8-نفسك تقابل رئيس جمهوريتنا؟وهتقوله ايه؟
اكيد ليه لا ااقوله زى مقال الشيخ القدير محمد متولى الشعراوى رحمه الله عليه قال (يا سياده الرئيس اخر ما احب ان اقوله لك ولعل هذا اخر لقائى بك اذا كنت قدرنا فاليوفقك الله و اذا كنا قدرك فليعينك الله على ان تتحمل).

9-تحب تعمل مع مين بوست من المدونين؟
مع اللى يحب يعمل معايا انا معنديش اى مانع المهم يكون هو راضى ومتقبل اللى بيعملو لان فى ناس هتشوف دة.

10-ايه اللى تتمناه يتحقق فى 2010 متحققش فى 2009؟
الحقيقه انا اكتشفت اننا بنحب البلد دى قوى وعيزنها تبقى احسن دول العالم لان هى دى اللى اكلنا من خيرها وتربينا فيها واهلك وناسك فيها
ويبقى فى سلام وود بين الدول العربيه ونقف ايد واحده مع بعض ضد اللى بيكرهونا وان مش اللى يجمعنا هو حب الكورة لا حاجات تانيه كتير ولازم نستغل كل دة فى حاجه تفيد العالم العربى لان كل دة لينا فى الاول والاخر.

سيدى الرئيس مش عارفة اشكرك ازاى انك عطتنى وقت علشان اقولك كل اسألتى واتمنى ليك دوام الصحة وان شاء الله اشوفك فى الانتخابات الجاية.







16 التعليقات:

اولا وبادئ ذي بدء نحب نشكرك ع المجهود الجبار في اللقاء مع سيادة الزعيم وانك قدرتي توصلي لميعاد معاه

اجابات السيد الزعيم كلها شفافية ووضوح وديمقراطية ونحية علي هذا ونقولة
اخترناك اخترناك ههههههههههههه

بوست لذيذ دمتي بخير

ونستفتح كدة وابقا اول كومنت ان شاء الله

السلام عليكم
اسئله جميله وجريئه
واجابات ممتعه تحياتى ليكى
وميرسى على مرورك نورتينى
”*°•.˜”*°•..سونه..•°*”˜.•°*”

ههههههههههههههههههههه

يا محظوظه حوار مع الريس حته واحده

بوست جميل جدا والريس دمه خفيف وجدع جداااااااااااااااااا

اخبارك ايه يا قمر

يارب تكونى بخير

انا طبعا قريت الحوار مع الريس فى مدونته وشكرته وشكرتك طبعا على المجهود الرائع ده بس مستنيه الجديد قريب جدا
مستنياكى اوعى تغيبى علينا
تحياتى

الله عليك يا رئيس ياديمقراطى انت اهى دى الديمقراطيه ولا بلاش نشوفك فى انتخابات شومبونجو كلنا وراك ياريس

شكرا على المدونة الرائعة

شكرا على المدونة

شكرا على المدونة

شكرا جزيلا على هذة المقالة الجميلة

ايه الغيبه دى كلها

كل سنه وانتى طيبه يا حبيبتى

رمضان كريم عليكى وعلى كل حبايبك

يارب تكونى بالف خير

رمضان كريم :)

شكرا على المدونه الجميلة و بالتوفيق دائما

غير معرف يقول... 19 فبراير، 2011 4:18 م  

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى
www.ouregypt.us

غير معرف يقول... 19 مايو، 2013 6:02 م  

دعاء تيسيير الأمور .اللهم يامسهل الشديد و ياملين الحديد و يامنجز الوعيد و يامن هو كل يوم فى أمر جديد أخرجنى من حلق الضيق إلى أوسع الطريق بك أدفع مالا أطيق و لا حول و لا قوة إلا بالله العلى العظيم . .قال الرسول صلى الله عليه و أله و سلم من قرأ و أخبر الناس بهذا الدعاء فرج الله همه . يارب ضاقت بى السبل فمن لى سواك يفرجها .

غير معرف يقول... 20 مايو، 2013 4:56 ص  

شوفو بريطانيا بكبرها لا قدرت تثبت القاتل في هالقضية حتى الان ….وقبلها قضية سعاد حسني الي محد عارف كيف ماتت لين اليوم …رغم ان لندن مشهورة بكثرة كيمرات المراقبة >> هنا الفرق في استخدام التكنولوجيا لاثبات الحقيقة وتحليلها بين شرطة لندن وشرطة دبي

thx

كشف تسربات المياة
غسيل خزانات
شركة نظافة عامة

About Me

صورتي
انا بنت زى اى بنت بحب الحياة والحرية واكرهه الكدب والخيانة وبيقولوا عليا دمى خفيف وبحب اصحابى جدا

الساعه الان

يوم كام يا ترى

اسمع الطرب

اللى شرفونى


===3'ayrt masha3ry w e7SaSy 5altny a3esh gambak w b3eed bat7ml 2Orbak w ba2asy w msheet wayak w reg3t wa7ed====